CAGAYAN DE ORO CITY, Philippines – Gihingusgan pa ni Presidente Ferdinand Bongbong Marcos ang iyang kampanya kontra “fake news”. Gihimo sa presidente ang panawagan alayon sa pagpanumpa sa kinatibuk-ang naglangkob sa Association of Philippine Journalists (APJ) – Samahang Plaridel Foundation Inc., didto sa Kalayaan Hall sa Malacañan Palace, kagahapon.
Giila sa pangulo ang dakung papel sa prensa pagpanalipod sa kamatuoran. Si Marcos namulong nga buhi ug naglihok ang demokrasya sa nasud, pinaagi sa “freedom of press” ug responsabli nga pagbalita.
Gidayeg sa presidente ang mga miyembro sa Samahang Plaridel kinsa naghupot sa mahinungdanong papel sa paghatag gahum sa nasud sa pag-ila tali sa kamatuoran batok tumu-tumo o fiction, ingon man pagseparar sa kamatuoran ug dayag nga mga bakak, niining panahon sa unregulated social media, fake news ug artificial intelligence (AI).
Subli, iyang gipadumdum sa mga reporters ug news writers, ilabe na sa Presidential Task Force on Media Security (PTFoMS), ang mabayanihong batasan ni Marcelo H. Del Pilar, ang giila nga “Father of Journalism” sa Pilipinas, nga ipakita ang pagka-maisugon, maloloy-on ug matinud-anon nga journalism.
