Proud nga pagka-amahan si Presidente Ferdinand Marcos Jr., human mitambong ang iyang anak nga si House Majority Leader Sandro Marcos sa hearing sa Independent Commission for Infrastructure (ICI), taliwala nga wala siya’y kalambigitan sa flood control corruption scandal sa Department of Public Works and Highways (DWPH).
Namahayag si Palace Press Officer Atty Claire Castro nga gipakita sa anak sa presidente ang iyang kaisog ug wala siya mitago taliwala sa mga akusasyon.
Mahinumduman nga sa paghuman sa hearing mismo ang presidential son ang mihatag katin-awan nga ang iyang pagtambong dili pinaagi sa subpoena o mga akusasyon, apan nagboluntaryo kini sa pagbisita sa ICI aron muhatag sa iyang impormasyon kalabot sa akusasyon ni resigned Ako Bicol Partylist Zaldy Co nga siya ug ang iyang uyuan nga si kanhi Speaker Martin Romualdez ang utok sa binilyong budget insertions ug top 2 sa pinaka dakung nadawatan nga “allocables” sa Kamarabaha.
