Dili palabyon ni Pres Bongbong Marcos ang pagbahad ni Vice Pres Sara Duterte nga siya ipapatay kuyog si First Lady Liza Marcos ug Speaker Martin Romualdez.
Kini kon adunay mahitabo nga dili maayu ug ikamatay ni VP Sara tungod sa giingong mani-obra sa administrasyon.
Gihimo ni Marcos ang tubag pipila ka adlaw gikan sa pagbutyag niini ni VP Sara epekto sa walay hunong nga pag-ipit usab kaniya sa mga alyado sa Malakanyang sa kamarabaha.
Miingon si Marcos nga kon nagahom ni VP Sara nga buhatan siya niini,usa na lang kaha ang mga ordinaryong tawo sa katilingban.
Gihagit sa presidente si Sara nga dili na maglikay-likay apan pangtubagon na ang mga pangutana sa mga magbabalaod kabahin sa isyu sa mga pondo nga gigamit niini sa miaging katuigan.
Siya miingon nga angayang matapos na ang maong mga isyu aron maka-pokus na ang gobierno sa daghang gimbuhaton.
Hisayrang nahiagom sa grabeng balikas ug pagbulgar ni VP Sara ang magtiayong Marcos ug si Romualdez resulta sa giingong dili tawhanong pagtratar sa OVP chief of staff nga si Atty Zulieka Lopez sulod sa lawak sa kamarabaha kay gi-cite in contempt sa miaging semana.
