CAGAYAN DE ORO CITY, Philippines – Masaligon si Presidente Bongbong Marcos nga makahatag sa tinood nga kabag-uhan sa sektor sa edukasyon ang bag-ong milingkod nga kalihim sa Department of Education.
Sa milabay’ng adlaw, pormal nga nanumpa si Senador Sonny Angara atubangan kang Marcos, pinaagi sa usa ka simpli nga seremonya sa Malakañang Palace. Giila sa pangulo nga maayong higala si Angara ug mihandum nga matunol, ubos sa iyang pagdumala, ang taas nga kalidad sa edukasyon nga kinahanglan sa mga bata nga anaa sa elementarya.
Sa pikas bahin, gipasalamatan ni Angara ang presidente sa gihatag nga pagsalig kaniya.
Kahinumduman nga sa wala pa ma-appoint ang senador, sa tuig 2013, iyang naduso sa konseho senado ang repormar sa edukasyon sama sa Universal Access to Quality Tertiary Education Act, Enhanced Basic Education Act of 2013 (K-12), Kabalikat sa Pagtuturo Act, ug daghan pang-uban.
Naghupot si Angara sa iyang Master of Laws gikan sa Harvard University ug Bachelor of Laws degree gikan sa University of the Philippines College of Law.
Gitapos niya ang iyang kolehiyo pinaagi sa kurso nga Bachelor of Science in Economics degree gikan sa London School of Economics and Political Science.
