CAGAYAN DE ORO CITY -Giingong nagsilbing benepesaryo sila kanhi Pres Rodrigo Duterte ug incumbent Pres. Ferdinand Marcos Jr sa mga pondo sa Chinese syndicates nga giagi sa dummy nga si dismissed Bamban Mayor Alice Guo.
Kini ang nakita nga posibilidad ni Citizens Watch for Good Governance o CWGG -10 convenor Atty. Antonio Soriano nunot sa hawid nga kapas ni Guo nga giingong nagkubot sa binilyong pondo sa mga bangko.
Miingon si Soriano nga publiko lang ang wala nasayod kon unsa ang tinud-anay nga political ug personal nga relasyon tali Guo ug sa mga opisyal sa gobierno.
Si Guo nadakpan sa Indonesian police ug paspas gikuha nila DILG Sec Benhur Abalos ug PNP chief Gen Rommel Marbil pabalik sa Pilipinas sa miaging semana.
Dugang ni Soriano,nagsilbing tip of the iceberg lang si Guo nunot sa dagkong mga sindikato nga naglihok dinhi sa nasud.
Kini ang dugang assessement ni Soriano kon nganong daw walay kaikog si Guo nga nakig-selfie kanila ni Abalos ug Marbil atol sa panagkita nila didto sa Indonesia sa miaging semana.
Miingon si Soriano nga posibleng dugay nang managkaila ang tulo rason nga walay kaikog nga nagsundayag sa ilang kasuod atubangan sa publiko.
Hisayrang nagka-puliki’g depensa ang gobierno tungod sa maong mga hulagway.
Sa pikas bahin,dili angay butaran kon pananglitan managan sa tag-ans nga mga posisyon ang pipila cabinet officials ni Marcos sa 2025 elections.
Gitumbok ni kanhi IBP-MisOr chapter president Atty Eddie Cuaresma ang law-ay nga pakighugoy-hugoy nila ni Abalos ug Marbil sa wanted person nga si Guo sa Indonesia.
Siya miingon nga angay pahamtangag’ silot ni Marcos ang mga naghatag VIP treatment kang Guo bisan sa daghang atraso niini sa balaod sa nasud.
