
Milarga na si Presidente Ferdinand Marcos Jr. ug ang delegasyong Pilipino padulong sa Shenzhen, China niadtong Miyerkules, Nobyembre 18, aron motambong sa ika-33 nga Asia-Pacific Economic Cooperation (APEC) Economic Leaders’ Meeting, subay sa imbitasyon ni Chinese President Xi Jinping.
Matud ni Marcos, tumong sa iyang pag-apil sa maong panagtigom nga makaabli og bag-ong mga merkado alang sa mga produkto ug talento sa mga Pilipino, makapadali sa digital transformation, ug makadani og dugang pamuhunan nga makamugna og de-kalidad nga mga trabaho dinhi sa nasud.
Gipasiugda usab ni Marcos ang kamahinungdanon sa mapuslanong pakiglambigit sa China aron mapalapad ang pamatigayon, pamuhunan, ug pagbayloay tali sa katawhan sa duha ka nasud, samtang gipanalipdan ang nasudnong interes sa Pilipinas.
Dugang pa sa Presidente, bukas ang Pilipinas sa negosyo ug nag-awhag sa mga mamumuhunan nga mamuhunan sa mga Pilipino. (raniel mahunyag)



.jpg)
