CAGAYAN DE ORO CITY – Nagustuhan sa iladong international law expert ang mga taktikang-militar nga gihimo ni Pres Bongbong Marcos isip ‘commander-in-chief pag-abot sa isyu sa West Philippine Sea.
Kini bisan kon nagka-pisikal na ang pag-atake sa puwersang Insek sa tropang Pinoy nunot sa pag-inilogay sa mga isla sa maong bahin sa nasud.
Namahayag si Atty. Antonio La Viña nga angayang ipaglig-on pa ang puwersa sa Armed Force of the Philippines o AFP sa disputed waters aron makit-an sa international community kon giunsa pagsinalbahis sa China ang Pilipinas.
Sa ulahing komprontasyon sa duha ka nasud sa WPS,angol ang pito ka sakop sa Philippine Navy kay gibanggaan sa Tsina ang gisakyan nila nga barko sa miaging adlaw.
Samtang angayang ipalayas na sa national govt ang ambassador sa Tsina nga nakabase sa kauluhan kay inotil kini sa pagsulbad sa West Philippine Sea issue.
Kini ang dismayado nga reaksyon sa grupong Citizens Watch for Good Governance 10 sa ulahing probokasyon sa Chinese Coast Guard sa puwersang Pilipinhon sa Ayungil Shoal.
Namahayag si Atty. Antonio Soriano,convenor sa CWGG 10 nga dili makiangayon nga gihatag sa Philippine Navy forces ang dala nila nga mga armas dihang gi-atake sa mga sundalong Tsino sa Ayungin sa milabay’ng adlaw.
Kini ang rason nga angay ipapauli ang Philippinne ambassador nga walay nahimo sa isyu ug ilhon na nga independent country ang Taiwan aron ikasuko sa Tsina.
