Hait ang mensahe ni Pres Bongbong Marcos ngadto sa mga taga-gobierno ug ubang personalidad nga nalambigit sa dugay nang kalakaran sa isyu sa kurapsyon sa mga gipangtukod nga mg proyekto sama sa flood controls nga komon palibot sa nasud.
Kini human igna ni Marcos atoll sa iyang ika-upat nga State of the Nation Address o SONA ang maong mga nalambigit sa pagpangbulsa nga unta mobati’g mga kaulaw nga gipangbulsa ang salapi sa katawhan nga alang unta sa maong mga proyekto.
Miingon ang pangulo nga dili na lang daw sila magpagtoo nga wala nasayod kay dugay na kini nga kalihukan nga adunay pang-raket, mang-SOP ug ug uban pang porma sa kurapsyon pag-abot sa mga proyekto sa kagamhanan.
Kini ang rason nga gimando ni Marcos nga imbestigaran ang mga proyekto sa gobierno sa milabay’ng tulo ka tuig.
Nanganti kini nga kasuhan ang maong mga kontraktor ug taga-gobierno nga nalambigit sa maong mga kalihukang-ilegal.
Nagsumikad ang iyang kamanduan kay mismo siya ang nakasaksi sa kadako sa damyos sa mga bagyong Crising,Dante,Emong ug hanging Habagat nga miguba sa daghang flood controls sa Luzon provinces kay alang kaniya mga palpak pagka-trabaho.
Sa maong panganti ni Marcos,nakakuha kini’g standing ovation sa iyang SONA kay wala magdahom ang mga magbabalaod niini ug ang daghang mga bisita sa Batasang Pambansa kaganiha sa hapon.
Hisayrang sobra sa oras ang pagtuki ni Marcos sa iyang SONA ning tuiga.
