CAGAYAN DE ORO CITY – Gradong sais lang ang gihatag ni COWD board of director chairman Dr Gerry Caño sa performance ni Pres Bongbong Marcos sa milabay’ng 2024.
Kini human subli mihatag sa iyang SONA si Marcos diin sobra usa ka oras ang iyang pagtuki sa mga nag-unang mga isyu nga gihataga’g pagtagad nga naglakip sa edukasyon ug agrikultura.
Miingon si Caño nga angayang mahatagan sa dakong pahat sa pondo ang sector sa edukasyon kay basehan kini sa mahimong kaugmaon sa nasud nga dad-on sa mga mosunod nga henerasyon.
Siya miingon nga bisan ang kahimtang sa agrikultura, wala kayo matutuki taliwala sa pagsilbing ‘agricultural country’ sa Pilipinas.
