Singlon ni Vice Pres Sara Duterte si Pres Bongbong Marcos ug iyang mga kaalyado sa gidangatan niya sa politika diin nadamay ang mga kauban niini sa trabaho sa Office of the Vice President ug Department of Education.
Kini ang tubag ni VP Sara sa panganti ni Marcos nga dili niya palabyon ang bahad nga patyon kini kuyog si First Lady Liza Marcos ingon man si Speaker Martin Romualdez.
Miingon si Duterte nga wala siya’y angay tubagon kay nagamit nila sa ensakto ang pondo sa OVP sukwahi sa gihimong imbestigasyon sa mga magbabalaod sa kamarabaha nga namugos nga dunay kasaypanan.
Dumduman nga napugos pagtingog si Marcos human batikusa’g maayo ni Duterte ang gihimo sa mga alyado niini aron maguba ang iyang pagkatawo ug maapektuhan ang mga planong politikanhon sa mga sunod nga katuigan.
Hisayrang dako’g tsansa nga ipa-impeach ni Marcos si Duterte gumikan sa mga gipakitang taras niini.
