Pormal na nga milingkod isip bag-ong Chairperson sa Regional Task Force to End Local Communist Armed Conflict sa Northern Mindanao (RTF-ELCAC X) si PBGEN Christopher N. Abrahano, ang Regional Director sa Police Regional Office 10.
Nahitabo kini atol sa gipahigayon nga Second Quarter 2026 RTF-ELCAC X Technical Working Group Meeting ug OPLAN Formulation Workshop kagahapong adlawa Hunyo 17, 2026.
Tungod niini, gitinguha sa mga miyembro sa Technical Working Group ug mga partner nga ahensya nga mas palig-onon pa ang pagtinabangay aron hingpit nga masumpo ang insurhensya pinaagi sa Whole-of-Nation Approach.
Samtang, gitutokan usab sa maong workshop ang pagmugna og usa ka komprehensibo nga Operational Plan nga nagtinguha sa pagbungkag sa mga nahabilin pang communist terrorist groups pinaagi sa paghatod og mga batakang serbisyo ug kalamboan.
Tumong sa maong lakang nga masiguro ang malungtarong kalinaw, paspas nga paglambo sa rehiyon, ug lig-on nga seguridad alang sa tibuok Northern Mindanao.
