CAGAYAN DE ORO CITY – Nagbahad ang Philippine Coast Guard Northern Mindanao nga ilang kasuhan ang duha ka tag-iya sa naunlod nga MV Tower 1 cargo ship diha sa lungsod sa Jasaan,Misamis Oriental.
Kini kon mapakyas sa pagpakita ang maong mga tag-iya kinsa dunay obligasyon tungod sa nahatag nga kadaot ug kahugaw sa kadagatan epekto sa paghungaw sa krudo sa ilang barko.
Gibutyag ni PCG-10 spokeperson Ensign Jerich Ybanez nga kon baliwalaon nila ni Sherwin Doctora ug Lord Sanny Salvaña,mapugos sila pagduso’g kaso ilabina nga dunay kadaot ang oil spill sa ilang barko.
Una niini,nagbahad ang pipila ka brgy opisyal sa Jasaan nga kasuhan ang duruha kon dili mahatag ang ensakto nga financial support sa pagkadaot sa ilang kadagatan.
Hisayrang anaa sa 41 ka drums sa debris ug oil-contained materials ang nahipos sa gilusad nga clean up drive sa mga apektadong mga brgy sa maong lungsod.
