Gidepensa sa Philippine Coast Guard (PGC) ang rason kung nganong dili sila gagamit sa water canon panahon nga adunay tensyon sa West Philippine Sea nga gikalambigitan sa China Coast Guard (CCG).
Sa labing lab-as nga social media post sa PCG, mipasabot ni PCG Spokesperson to the West Philippine Sea Commodore Jay Art Tarriela nga kung sugdan nila ang paggamit sa ilang mga kanyon sa tubig, mahimo kining gamiton nga rason sa China nga pakusgan pa ang ilang agresyon.
Nagtoo si Tarriela nga posibleng musaka pa ang tensyon kung mubalos ang Pilipinas sa ilang probokasyon.
Gihimakak usab ni Tarriela ang propaganda report sa CCG nga ang Pilipinas ang nagprobokar kanila kay misulay kinig biyahe sa kadagatan nga sakop sa ilang 10-dash line.
