Giimbitar ni Philippine Coast Guard Spokesperson for the West Philippine Sea Commodore Jay Tarriela si Senador Rodante Marcoleta nga mubisita sa Kalayaan Island Group (KIG).
Gihimo ni Tarriela ang pahayag human sa kontrobersyal nga pahayag sa senador.
Niadtong miaging semana sa Committee on Appointments hearing, giingon ni Marcoleta nga ang Pilipinas dapat mosurender sa pipila ka bahin sa KIG ngadto sa China, nga iyang giingon nga “way beyond” sa atong exclusive economic zone (EEZ).
Tungod niini, gihagit ni Tarriela si Marcoleta nga personal nga mobisita sa mga isla.
“I am sure that he is truly a patriotic public servant who can stand for our rights in the West Philippine Sea,” ingon ni Tarriela.
