Nagpahigayon na og hugot nga pagpatrolya ang Philippine Coast Guard (PCG) sa kadagatan sa Leyte aron masiguro ang kaluwasan sa mga turista, dungan sa pagpatuman og preventive safety measures sa Coast Guard Station Western Leyte.
Gipahimangnoan usab ang mga beachgoers nga mopili lamang og mga resort nga adunay lisensyadong lifeguard ug kumpletong safety facilities alang sa dugang proteksyon.
Gisiguro sa PCG nga padayon ang ilang pag‑monitor sa kahimtang sa dagat aron malikayan ang bisan unsang disgrasya samtang nagbakasyon ang publiko.
Kining maong lakang nagpakita sa seryosong pagpangandam sa mga awtoridad alang sa seguridad niining Semana Santa.
Pinaagi niini, gilauman ang usa ka malinawon ug luwas nga holiday season alang sa tanang taga‑Leyte ug sa mga bisita niini. (JANE ABULAG)
