Nakadawat ang Philippine Coast Guard (PCG) ug Bureau of Fisheries and Aquatic Resources (BFAR) sa 28-ka ‘radio challenges’ gikan sa barko sa China samtang nagsugod og Maritime Domain Awareness (MDA) flight ngadto sa Bajo de Masinloc.
Ang barko sa People’s Liberation Army-Navy nakit-an sa 81.42 nautical miles ‘northeast’ sa shoal.
Dugang niini, nakita usab ang duha ka boya nga giangkon nga panag-iya sa China ug usa ka fighter jet. Ang eroplano misugod sa maniobra alas-10:30 sa buntag sa gitas-on nga 6,000 ka talampakan.
Matod pa sa Coast Guard nga ilang gitubag ang mga tawag sa radyo ug gipasabot nga legal ang MDA flights ubos sa internasyonal nga balaod.
