Nakadawat sa labing lab-as nga radio challenge ang eroplano ng Philippine Coast Guard (PCG) gikan sa barko sa China Coast Guard ug warship nga nagbaras-baras sa Bajo de Masinloc, sulod sa West Philippine Sea, kagahapon. Subay sa report, samtang milusad sa routine Maritime Domain Awareness (MDA) flight ang PCG, nahagpat sa radar sa tropa sa gobyerno ang labing minos siyam ka Chinese maritime forces sa palibot sa Bajo de Masinloc. Lakip niini ang duha ka China Coast Guard vessels; duha ka warship sa People’s Liberation Army Navy (PLA-N) nga adunay hull numbers 553 ug 909; ug lima ka sakyanan nga gituohang sakop sa Chinese maritime militia. Nasiplatan usab sa PCG nga ang usa sa mga CCG vessel walay klarong bow number ug nakaposisyon 84.6 nautical miles gikan sa Capones Island; samtang ang usa pa nahimutang 7.8 nautical miles sa habagatan-sidlakan bahin sa Bajo de Masinloc. Samtang nanghagit sa radio ang China, mitubag ang PCG nga sila mipatuman sa Islander aircraft – lawful patrol sulod sa exclusive economic zone sa Pilipinas. Hisayran nga ang Bajo de Masinloc o Scarborough Shoal nahimutang 229 km gikan sa Zambales, ug gi-angkong teritoryo sa Pilipinas apan padayon nga ginabantayan sa China.
