CAGAYAN DE ORO CITY – Mohimo’g imbestigasyon ang Philippine Coast Guard Northern Mindanao kabahin sa pagkasunog sa barge nga iya sa duha ka negosyanteng Instik diha sa kadagatan sa Zone 6,Brgy Cugman ning syudad.
Miingon si PCG Normin District Commander Commodore Geronimo Tuvilla nga hinoon wala maunsa ang lima ka tripulante nga nakasakay sa maong barko sa pag-ulbo sa sunog kagahapon sa buntag.
Nasuta nga nagsumikad ang kalayo sa makina nga bahin sa maong barge.
Gipupay usab ni Tuvilla ang kabalaka sa posibleng pag-agas sa lana nga makahatag sa dakong kadaot sa mga isda ug mismong katawhan nga nanimuyo duol sa lokasyon sa barko.
