CAGAYAN DE ORO CITY- Gi-deploy ang tropa sa Philippine Coast Guard o PCG Anti Terrorism Group sa Lake Lanao didto sa Marawi City.
Kini aron makahatag sa dugang puwersa nga dili makagawas ang mga teroristang Maute-ISIS nga tuyo nang mo-eskapo gikan sa war zone nga pulbuson sa militar.
Gibutyag ni PCG regional district commander Leo Panapio nga ubay-ubay ang ilang puwersa nga miabag sa militar ug kapolisan batok sa mga terorista.
Una niini,personal usab nga gi-supervise ni PCG spokesperson Lt Commander Armando Balilo ang ilang tropa nga gipadala sa Lake Lanao.
