CAGAYAN DE ORO CITY-Gipanguluhan ni Philipine Coast Guard-Civil Military Operations Capt Armand Balilio ang gihimong pagpatrolya sa isla sa Boracay atol sa unang adlaw nga pagpasira niini.
Matud ni Balilio nga kinahanglan niyang bantayan ug i-supervise ang gihimo sa iyang mga sakop ilabina nga kabahin sila sa pag-rehabilitar sa maong isla.
Una niini, nakapokus sa clean up operation ang mga hingtungdang ahensiya alang sa pinakaunang adlaw sa pagpasira sa maong isla.
Apan dismayado ang pipila ka mga mamumuo sa pagsira sa Boracay.
Sumala sa usa ka alyas Johnny nga nasayod sila sa 6-months closure sa Boracay apan wala sila magdahom nga dunganon pagsira ang mga establishimento.
Tungod niini, wala matud pa sila makapangandam kung aha sila paingon ug kung unsay ilang buhaton.
Hisayran nga igo lamang gihataga’g pamiliti ang mga kawani aron makauli balik sa ilang lugar.
