Gihagit ni People’s Constitutional Reform Initiative Convenor Wilson Amad ang mga energy company nga ipakita ang saktong pagkwenta sa matag charges sa kuryente taliwala sa giplanong pagtangtang sa system loss charge.
Sumala ni Amad, dili gayud malugi ang mga negosyante tungod kay niabot na sa 26 billion pesos ang ilang kita sa unang tunga pa lang sa tuig ug nag-unang 50 billion pesos matag tuig.
Labaw pa niini, gipadayag sa convenor nga ang pagwagtang sa 10 billion pesos nga bayronon sa usik nga kuryente makapausos lamang sa ilang kahakog sa ginansya apan dili kini maghatag og kalugi sa ilang operasyon.
Aron malikayan ang pagbalhin sa maong bayronon ngadto sa ubang account titles, kinahanglan matod pa nga adunay auditor nga mosusi sa tanang billing aron mapanalipdan ang mga konsumante.
