CAGAYAN DE ORO CITY-Gibulgar sa Philippine Charity Sweepstakes Office o PCSO nga giingong pipila ka police generals ang tigdawatan sa suhol o protection money gikan sa illegal gambling lords dinhi sa rehiyon.
Gihimo ni PCSO General Manager Alexander Balutan ang pahayag sa pag-atubang niya sa prensa ning syudad kagahapon sa buntag.
Apan gilayong namalibad si Batulan nga nganlan ang maong mga heneral.Si Balutan ang anaa sa syudad kay nanghatag sa 32 ka bag-ong ambulansiya sa rehiyon.
Samtang gihagit ni PNP regional spokesperson Supt Lemuel Gonda si Batulan nga isumbong kang Pres Rodrigo Duterte kon tinood nga may pipila ka police generals ang midawat sa suhol gikan sa illegal gambling lords.
Tubag kini Gonda sa pagpangugat ni Batulan nga may mga sakop sa mga otoridad nga tigpangayuan sa suhol sa ilegal gambling operations aron dili matandog ang kalihukan sa dagkong financiers niini.
