CAGAYAN DE ORO CITY-Kasuhan sa kapolisan sa kriminal ang tulo ka aktibong sakop sa PDEA ingon man ang laing sibilyan nga nagpabuto’g mga armas ug nangulata sa mga sibilyan sa Fatima Subd.Brgy Pagatpat sa syudad.
Kini samtang ipaubos sa PNP sa sunod-sunod nga eksaminasyon ang mga suspek aron magamit sa pagkaso sa piskalya sa dakbayan.
Giila ni Bulua Police Station commander Sr/Insp Breccia Ruth Towned ang mga dinakpan nga sila si PDEA members Ramil Cole Salido,Randy Dollente ug Jestoni Tubongbanua nga pulos lain-lai’g assignment area sa rehiyon.
Gibutyag ni Townend lakipon usab nila’g kaso ang kanhi ahente sa PDEA nga si Marvin Pabalate nga kabahin sa mihimo’g kasamok sa mga sibilyan sa maong lugar.
Unang nangulata,nanion ug namunal sa mga armas ang mga suspek sa taxi drivers nga napahimuntang ni Salido gumikan sa pag-away nila sa iyang kapikas sa miaging semana.
Samtang pursigido ang usa sa mga taxi driver nga mokaso’g kriminal batok sa tulo ka ahente sa PDEA-10 nga mikulata ug mibunal kaniya sa kalibre 45 nga armas diha sa Brgy Pagatpat ning syudad.
Kini human gisaysay sa taxi driver nga si alyas Mark kon giunsa siya pagdagmal sa PDEA agents dihang sila naglasong.
Una niini,nasikop ang mga suspek dihang miaksyon na’g sibat diin nakompiskar kanila ang upat ka long ug short firearms samtang sakay sa PDEA Vios vehicle sa maong lugar sa miaging semana.
