CAGAYAN DE ORO CITY -Kumpiyansa ang Philippine Drug enforcement Agency o PDEA-10 nga mahimong epektibo ang ipatuman reporma sa mas gipakusog nga Double Barrel sa PNP inabagan sa armadong kusog sa nasud.
Gi-angkon ni PDEA agent Ben Calibre nga nagkinahanglan sila da dugang pwersa aron masustiner ang ilang intelligence gathering ug mga operasyon sa nagkadaiyang bahin sa Amihang Mindanao.
Nakapukos karon ang PDEA sa barangay drug clearing operation hinungdan nga nagkinahanglan sab sila sa igong koordinasyon sa LGU’s.
Si Calibre nagtoo nga daghan pang high valued targets nga anaa sa drug watchlist sa PNP ang nagtagu-tago sa nagkadaiyang mga barangay.
Subo usab si Calibre nga wala pay drug free barangay ang syudad sa Cagayan de Oro apan ilang paningkamutan ubos sa resumption sa tokhang nga makab-ot ang ilang tumong.
