CAGAYAN DE ORO CITY, Philippines – Gikompirmar sa Philippine Drug Enforcement Agency – Northern Mindanao nga na-hacked ang ilang official facebook page, bandang alas-6 sa gabie, adlaw’ng Domingo.
Sa exclusive interview sa Bombo Radyo ni PDEA-10 Regional Director Benjie Gaspe iyang gibutyag nga gipatawag na niya ang ilang Information Officer lakip na ang iyang mga staff aron sutaon kung na-hacked ba ang ilang facebook page.
Ugmang adlawa, posibleng ipalugwa ni Director Gaspe ang “show cause order” batok sa social media unit sa ilang buhatan.
Sutaon ni Gaspe kung duna bay “negligence” sa page administrators hinungdan nga gi-atake sa hackers ang ilang social media account.
Gibutyag sa direktor nga kung dili masulbad sa internal investigation ang alleged hacking incident, posibleng magpatabang sila sa mga eksperto sa Police Regional Office -10 Anti-Cyber Crime Unit.
Kahinumduman nga nag-unang mandato ni Presidente Bongbong Marcos sa tanan ahensya sa gobyerno nga proteksiyon ang government website ug iseguro nga dili kini basta-basta nga mahacked sa mga cyber-criminals.
Sa pagkutlo ning balita, nabulit na sa mga law-ay nga videos ang FB Page sa PDEA-10.
