CAGAYAN DE ORO CITY –Dili pa makalihok ang PDEA-10 sa ilang gi-adam nga pre-operation number kaabag ang mga pulis ug sundalo aron hiniusang pukanon ang naghitak nga ilegal drug front sa Amihang Mindanao.
Gitin-aw ni PDEA agent Ben Calibre nga wala kanila magsumikad ang maong mandato ug kinahanglan pa nila nga makadawat sa kopya gikan sa buhatan ni PNP chief Dir Gen Ronald de la Rosa ayha makigtagbo sa kapolisan ug sundalo alang sa ilang anti-illegal drugs operations.
Positibo si Calibre nga mahimong epektibo ang koordinasyon sa 3 ka ahensiya units ilabina nga magamit nila ang intelligence gathering sa batok sa mga wanted person sa mga nagpayuhot sa ilegal nga druga sa rehiyon.
Una nang gikalipay sa PDEA ang subli pagbalik sa PNP pag-abag kanila batok paghitak sa ilegal nga droga sa nasud.
Ipakusog pa sa PDEA kaabag ang PNP ug AFP ang ilang kampanya batok sa drug supplier ug users nga nakabase sa kabarangayan ilabina dinhi sa syudad.
Gibutyag ni PDEA agent Ben Calibre nga ilang tukion ang maong lakang atol sa gitakdang paglusad nila sa coordination meeting ning bulana.
Dapkon sa mga pulis inabagan sa brgy force multipliers ang gituohang nagsupply sa druga ug nga drug addict.
Gawas niini, mahatagan usab sa higayon nga ma-rehab ang nagbisyo sa druga ug posibleng ihiling sa rehab camps sa mga sundalo.
