CAGAYAN DE ORO CITY – Negatibo pa sa monitoring sa Philippine Drug Enforcement Agency 10 ang isyu kon aduna ba’y mga politiku nga misulod sa narco-politics aron paspas makakuha’g pondo nga gamiton sa paggasto sa piliay sunod tuig.
Kini ang tubag ni PDEA 10 regional director Atty Benjamin Gaspi kon wala ba’y nakaabot sa ilang buhatan nga may kandidato na nga milihok pagpangita’g pondo apan pinaagi sa illegal nga droga.
Siya miingon nga padayon ang ilang pagpaniid kay wala usab nila kini wad-a nga posibilidad nga posibleng sudlan aron kuhaan sa narco-money fundings.
Gipasabot ni Gaspi nga taas nga proseso ang agian ayha makatumbok nga dunay politiko nga nalambigit sa narco-politics rason nga nag-igmat usab sila niini.
