CAGAYAN DE ORO CITY-Giawhag karon sa PDEA-10 mga botante nga dili botaran kadtong mga kandidato nga anaa sa listahan isip narco-politicians dinhi sa rehiyon.
Gihimo ni PDEA agent Ben Calibre ang awhag nunot sa gitakdang pagpagawas sa listahan sa pangalan sa narco-brgy officials diin laraw magpapili sa piliay sa brgy sa Mayo ning tuiga.
Miingon si Calibre nga daghan ang nag-abot kanila nga report kabahin sa brgy opisyales nga anaa sa illegal drug trade apan kini gipaubos sa validation.
Samtang makasuhan sa libel o pagka-ulaw ang PDEA ug ubang ahensiya sa gobierno kon pugson nila ilugwa ang pangalan sa suspected narco-brgy officials.
Kini human unang gibutyag ni PDEA Director General Aaron Aquino nga gitugtan sila ni Pres Rodrigo Duterte sa paghimo niini aron dili botaran sa katawhan kadtong narco-brgy officials sa piliay.
Miingon si Commission on Human Rights o CHR regional director Atty. Jeanne Ivy Abrina nga angay buhaton sa gobierno nga kasuhan kadtong kumpirmadong nalambigit sa illegal drugs ug dili i-agi sa pagpakaulaw.
