CAGAYAN DE ORO CITY- Gibaharan ni PDEA regional director Wilkins Villanueva
ang naa sa listahan ni Pres Rodrigo Duterte nga narco-politicians nga mobiya na sa
kalambigitan sa ilegal nga droga.
Kini human kumpirmaha ni Villanueva nga daghan
pa gihapon ang wala magbag-o bisan nahuptan na ni Pres Duterte ang mga
background niini.
Miingon si Villanueva nga dili sama sa drug users,gilayon na nila nga sikupon ang maong mga politiko kaysa i-agi pa sa toktok-hangyo.
Miingon si Villanueva nga kon dili pa gihapon mohunong ang narco-politicians,hayan
mahutdan na sila’g oras aron molikay sa giyera batok droga nga gimando ni
Presidente Rodrigo Duterte.
Hinoon,midumili una si Villanueva kon kinsa ang maong mga politiko ug kon asa nga probinsya dinhi sa rehiyon.
