CAGAYAN DE ORO CITY-Gipanganti sa PDEA-10 nga silotan ang bisan kinsa sa ilang mga kauban nga malambigit sa mga kaso sa pagpangawat sa kabtangan gikan sa ilang targets sa anti-drug operations ning rehiyon.
Gihimo ni PDEA agent Ben Calibre ang pasalig dihang giakusahan sila sa ilang dinakpan nga si Albert Saarenas sa Brgy Bugo nga nanguha’g mga butang atol sa buy bust operation sa miaging gabii.
Namugos si Calibre nga wala sila makasulod sa pinuy-anan ni Saarenas kay buy bust operation ang ilang gihimo ug dili search warrant implementation.
Unang nakuha gikan kang Saarenas ang sachet sa gitoohang shabu ug 500 pesos nga marked money atol sa operasyon.
