CAGAYAN DE ORO CITY- Gisaway karon sa PDEA-10 ang pipila ka kabarangayan nga nagpakabutal ug bungol sa mando sa DILG nga pagpatuman sa anti-illegal drugs program sa mga residente nga apektado sa paggamit sa illegal nga droga dinhi sa syudad.
Kini human nasuta sa maong ahensiya nga gamay lamang sa kabarangayan ang mitubag sa DILG order kabahin sa anti-illegal drugs campaign sa gobierno.
Gibutyag ni PDEA agent Ben Calibre nga itugyan nila dinhi sa Bombo Radyo kadtong kabarangayan nga wala mohimo sa ilang trabaho.
Gihimo ni Calibre ang pahayag tungod kay gusto nila nga kuyog ang local govt units sa kampanya kontra droga ilabina nga giwad-an sa gahom ang PNP pagpangdakop batok drug pushers ug users sa nasud.
