CAGAYAN DE ORO CITY – Mainitong gidawat sa laing higayon sa Philippine Drug Enforcement Agency 10 ang pagpangulo na ni Alex Tablate isip ilang bag-ong regional director sa Northern Mindanao region.
Kini human hingpit nang mi-asyumar si Tablate sa gibakante nga puwesto ni kanhi PDEA 10 regional director Atty. Benjamin Gaspi gikan sa Central Visayas region.
Si Gaspi nga tubong-Bicolano ang gi-destino usab sa PDEA 1 diin gihimo ang turnover ceremony sa mismong national headquarters sa kauluhan nga natunong usab nga anibersaryo sa ahensiya.
Si Tablate kinsa garbo nga miembro sa PDEA Academy of Class Mapalad ang dili na bag-o sa pasikut-sikot dinhi sa rehiyon.
Kini tungod kay taliwala nga nahimugso ug nagdakop sa Tacloban City apan unang destinasyon sa iyang trabaho gikan sa pag-gradwar sa PDEA Academy ang rehiyon.
Nagsilbi nga intelligence officer 1 si Tablate hangtod nahimong team leader sa Camiguin Province ayha nadestino sa nagkadaiyang rehiyon ug service director sa national headquarters.
Dugtong niini,nahangop sa pagdawat ang Tropang Diyes sa PDEA 10 nga nakabalik si Tablate nga mao na’y mangulo kanila sa pakigbatok sa kaylap nga gidiling droga dinhi sa rehiyon.
