CAGAYAN DE ORO CITY-Ipasaka na sa PNP ang mga kasong kriminal batok sa tulo ka sakop sa PDEA-10 diha sa piskalya sa syudad ning adlawa.
Kini human unang nagpabuto sa mga armas ug nangulata sa pipila ka taxi drivers nga giingong ilang gihasi sa Fatima Subd.Brgy Pagatpat ning syudad.
Miingon si Bulua Police Station commander Sr/Insp Breccia Ruth Towned nga pagmatood lamang kini nga wala nila hatagi’g special treatment ang mga suspek.
Kabahin sa kasuha’g physical injuries ug illegal discharge of firearms sila si PDEA members Ramil Cole Salido,Randy Dollente ug Jestoni Tubongbanua nga pulos lain-lai’g assignment area sa rehiyon.
Kasuhan usab kanhi ahente sa PDEA nga si Marvin Pabalate nga kabahin mihimo’g kagubot sa maong lugar sa miaging semana.
