CAGAYAN DE ORO CITY- Gitin-aw ni Philippine Drugs Enforcement Agency-Bangsamoro Autonomous Region in Muslim Mindanao o PDEA-BARMM regional director Juvinal Azurin nga dili makasulod ang pipila ka langyaw nga illegal drug dealers aron makatukod sa laboratoryo sa shabu sa bisan asang bahin sa Lanao del Sur.
Kini bisan dugay na nga miggawas ang impormasyon nga adunay nakatago nga mga hinimuan sa shabu sa probinsiya ilabina nga kanunay gaggawas ang pangalan sa Marawi City.
Gihimo ni Azurin ang katin-awan nunot na sa pagkadakpi sa suspected druglords diin nakuhaan sa usa ka kilo sa gitoohang shabu.
Siya miingon dili basta mosugal ang foreign illegal drug operators partikular ang mga Taiwanese ug Chinese tungod sa isyu sa ilang seguridad.
Kahinumduman nga nadakpan sa joint operations sa PDEA kauban ang militar ug kapolisan ang mga suspek na si Alexander Aliponto sa Tamparan,Lanao del Sur ug Adam Pandiin sa Marawi City diin nakompiska ang 2.2 milyong piso sa suspected shabu niadtong Agosto 22.
