CAGAYAN DE ORO CITY- Mosugod na sa iyang opisyal nga trabaho isip director general sa PDEA si kanhi Northern Mindanao regional director Wilkins Villanueva.
Kini human nanumpa na sii Villanueva sa iyang katungdanan ngadto kang RTC Branch 25 Presiding Judge Arthur Abudiente ning syudad kagahapong adlawa.
Miingon si Villanueva nga sa pagkakaron,wala una siya’y usbon sa kasamtangang mga programa sulod sa PDEA.
Namahayag ang miembro sa Philippine Military Academy Class 1988 nga si Villanueva nga gihulat usab niya kon kanus-a kini ipatawag ni Pres Rodrigo Duterte nga nagtudlo kaniya sa maong katungdanan.
