CAGAYAN DE ORO CITY – Pahugtan pa ni kanhi Philippine Drug Enforcement Agency North Mindanao director Wilkins Villanueva ang iyang kampaniya sa “war on drugs”.
Kini dihang gitudlo siya ni Pres Rodrigo Duterte isip bag-ong director-general of the anti-narcotics agency.
Mismo si Executive Secretary Salvador Medialdea ang mikompirmar sa appointment ni Villanueva nga unang pirmado ni Pres Duterte niadtong Mayo 22.
Mapasalamaton si Villanueva sa pagsalig nga gihatag kaniya sa presidente sa nasud ug dakong garbo kaniya nga panguluhan ang pagpakgang sa naghitak nga problema sa illegal nga droga sa tibook Pilipinas.
Hisayran nga blangko si Medialdea sa rason kon nganong gihulipan si outgoing PDEA chief Aaron Aquino sa maong posisyon.
