CAGAYAN DE ORO CITY – Daw nagpasigarbo na ang PDEA-10 sa publiko nga ilang gisilbihan nga makuha niini ang pagsilbing top performing region batok illegal drugs campaign ning tuiga.
Kini tungod sa daghang naaresto nga high value targets ug bulto sa mga shabu nga nakompiskar sa mga operasyon sa rehiyon ning tuiga.
Miingon si PDEA regional director Willkins Villanueva nga posibleng malabwan pa nila ang NCR-PDEA gumikan sa maayong performance sa lima ka probinsya pag-abot sa kampanya kontra illegal nga droga.
Gihimo ni Villanueva ang pahayag dihang gisunog nila ang balor 44 milyon pesos nga shabu,marijuana,ecstasy ug expired nga mga tambal sa planta sa Holcim cement sa Lugait,,Misamis Oriental sa miaging adlaw.
