(Update) CAGAYAN DE ORO CITY-Dakong hagit sa Philippine Drug Enforcement Agency o PDEA-10 ang gipagawas nga mando ni Pres Rodrigo Duterte kabahin sa anti-drug operations sa nasud.
Kini human gidid-an na ni Pres Duterte ang PNP,NBI ug AFP nga moapil sa giyera batok ilegal nga droga.Gibutyag PDEA agent Ben Calibre nga nasubo sila sa hukom ilabina nga lig-on ang ilang koordinasyon sa PNP bahin sa kampanya batok droga.
Gani,nabalaka ang PDEA-10 nga dili nila ma-satisfy si Duterte sa ilang paningkamot ilabina nga minus lamang ang mga personahe niini sa tibuok nasud.
Hinoon, naghulat sila bag-ong paagi gikan sa ilang head office aron daling mabungkag ang bigtime drug dealers sa nasud.
Samtang naka-pukos na karon ang PNP-10 sa “street crimes, crimes againts persons, violent o property crimes dinhi sa rehiyon.
Kini human gilayong epektibo na ang mando ni Duterte nga did-an ang PNP nga mohimo pa’g anti-drug operations.
Miingon si Supt Lemuel Gonda,tigpamaba sa PNP-10 nga gilayon nila hataga’g pagtagad ang paggukod sa mga “riding-in-tandem” ug ubang grupo sa mga kriminal nga bahad sa seguridad sa nasud.
Hinoon,giklaro ni Gonda nga mahimo gihapon sila mangdakop sa high value targets ilabina kon aktuwal kining masapon sa ilang mga sakop sa rehiyon.
