CAGAYAN DE ORO CITY – Gihagit ni PDEA regional director Willkins Villanueva si Misamis Oriental Provincial Jail Warden Dominador Tagarda nga mobati’g kaulaw rason nga angay na kining mo-resign sa iyang trabaho.
Gihimo ni Villanueva ang dismayadong pahayag tungod sa pagkasikop sa mga anak ni Tagarda nga si Gregor,35 anyos ug Von Clienton,30 anyos,mga minyo sa search warrant operations sa Gummamela Extension,Brgy Carmen sa syudad kagahapong adlawa.
Miingon si Villanueva nga napakyas si Tagarda sa iyang kaakuhan isip amahan ug opisyal sa gobierno pagsanta sa pagsanta sa ilegal nga kalihukan sa mga anak niini.
Si Gregor ug Von Clienton nga pulos kanhi govt workers sa city hall ug kapitolyo ang nakuhaa’g 170-mil pesos nga balor sa gitoohang shabu ug drug paraphernalia sa paglusob sa PDEA sa ilang mga kuwarto kagahapon sa buntag.
Samtang giangkon ni Tagarda nga mibati siya’g kaulaw sa gilambigitang illegal drug pushing sa iyang duha ka anak ning syudad.
Apan gibutyag ni Tagarda nga dili makat-u’g leksyon si Gregor ug Von Clienton kon dili usab sila masikop sa PDEA-10 batok sa pasangil nga ilang gipang-atubang.Namugos si Tagarda nga wala nga dungan nadakpan mando sa korte kagahapong adlawa.
Sila si Von Clienton ug Gregor ang kasuhan sa pagbaligya’g ilegal nga droga sa piskalya ning syudad karong adlawa.
