Gitumbok sa Philippine Drug Enforcement Agency (PDEA) si kanhi Bangsamoro Parliament member Sultan Edrieza Nasser Rimbang isip giingong utok ug financier sa drug shipment attempt sa 521 ka kilo sa shabu nga nasakpan sa Laos niadtong Oktubre 1 ug nagkantidad sa kapin P3.5 bilyon.
Matod ni PDEA Undersecretary Isagani Nerez, dili lang financier si Rimbang kondili siya usab ang giingong nagplano ug nagkoordinar sa paghatod sa ilegal nga droga gikan sa Laos paingon sa Pilipinas.
Gipadayag usab sa PDEA nga adunay pagduda nga konektado si Rimbang sa usa ka internasyonal nga sindikato tungod kay ang maong droga gikan sa gawas sa nasud ug nagkinahanglan sa internasyonal nga network aron maorganisa ang operasyon.
Sa pagkakaron, nagtinabangay ang PDEA ug ang Philippine National Police sa pagpalig-on sa kaso ug pag-ila sa ubang mga tawo nga mahimong nalambigit sa logistics ug pagpondo sa maong transaksiyon.
Samtang nagpadayon ang imbestigasyon, giingon sa mga otoridad nga nangolekta pa sila sa dugang dokumento ug ebidensiya aron makompleto ang kaso batok kang Rimbang ug sa ubang giingong kauban niini sa operasyon
