CAGAYAN DE ORO CITY – Walay mausab apan anaa sa subsbo nga anti-illegal drugs operations batok bigtime syndicate ang tropa sa PDEA-10 dinhi sa rehiyon.
Kini bisan gitudlo ni Pres Rodrigo Duterte si Vice Pres Leni Robredo isip co-chairman sa Inter-Agency Committee on Anti-Illegal Drugs o ICAD.
Miingon si PDEA regional director Wilkins Villanueva nga walay mabag-o sa ilang kampaniya batok droga kay pabiling chairman sa maong komitiba si PDEA chief Aaron Aquino.
Samtang makatabang ug dili lamang unta kutob sa pagbatikos si Vice Pres Leni Robredo sa anti-drugs war sa Duterte administration.
Kini ang panghinaut sa Police Regional Office o PRO-10 kabahin sa pagtudlo ni Pres Rodrigo Duterte kang Robredo isip drug czar sa nasud.
Miingon si PRO-10 spokesperson Lt Col Mardi Hortillosa nga ilado nga kritiko ni Duterte si Robredo apan unta may mahatag kini nga maayong sulbad sa suliran sa ilegal nga droga sa nasud.
