CAGAYAN DE ORO CITY-Gibulgar sa faction sa PDP-Laban president Atty Rogelio Garcia ang giingong pagpasagad ni kanhi Senate President Koko Pimentel sa ilang mga yangu-yango sa mga miembro niini sa nasud.
Kini ang rason nganong napugos ang grupo ni Garcia nga mohimo’g annual assembly aron magpili’g bag-ong mga opisyal sa PDP-Laban nga direktang magpaabot suporta kang Presidente Rodrigo Duterte.
Miingon si Garcia nga dugay nga panahon nga gihulat nila si Pimentel nga ilang maestorya apan giingong wala lamang sila panumbalinga niini.
Si Pimentel ang lehitimong presidente pa gihapon sa PDP-Laban kon isubay sa opisyal nga dokumento sa Commission on Elections.
.Samtang wala ilha sa liderato ni Pimentel nga lehitimo ang annual assembly nga gihimo sa grupo ni Garcia sa kauluhan
Kini human unang napili si Garcia isip bag-ong presidente aron hulipan si Pimentel sa partido.
Miingon si PDP-Laban Cagayan de Oro Council President Marlo Tabac nga daan nang nagpagawas sa mando si Pimentel nga ilegal ang gihimo Garcia.
Gibutyag ni Tabac nga dili na usab bag-o kanila nga dunay mga kauban nga kalit manglukso hinungdan nga daw normal na nga makulangn-madugangan ang mga miembro sa partido.
