CAGAYAN DE ORO CITY-Daw walay kasasyuran ang founder sa PDP-Laban nga si kanhi Senate President Aquilino ‘Nene’ Pimentel Jr sa nahitabo sa ilang mga miembro ug opisyal sulod sa partido.
Kini bisan nga gihulipan ni PDP-Laban national council chairman Atty Rogelio Garcia isip presidente si kanhi Senate President Koko Pimentel sa ilang partido pinaagi sa annual assembly sa kauluhan sa miaging semana.
Miingon usab ang kanhi senador nga si Pimentel Jr nga importante kaniya nga ang mapuli nga mga opisyal ang dunay igong kahibalo sa direksyon ug tahas sa partido.
Dugang sa kanhi senador nga wala na kini manginlabot sa kalihukan sa partido kay pokus na niini ang paghingusog sa pederalismong gobierno alang sa nasud.
