CAGAYAN DE ORO CITY, Philippines – Miresbak ang siyam ka mga senatorial aspirant sa Partido Demokratiko Pilipino–Lakas ng Bayan (PDP-Laban) batok Presidente Bongbong Marcos sa ilang gilusad nga proclamation rally sa Club Filipino, Manila, kagahapon.
Unang gi-endorso ni kanhi Presidente Rodrigo Duterte ang walo ka mga senatorial candidates, ug nadugang sa ika-siyam si Former executive secretary Vic Rodriguez, kinsa maoy gitoohang gibansagan ni Presidente Marcos nga gisuka sa administrasyon.
Wala makatambong si Presidente Sara Duterte sa proclamation rally apan nagpadala kinig mensahe nga suportahan ang 9 ka mga kandidato sa PDP Laban. Kini gilang koban nila senator reelectionist Bong Go, Bato Dela Rosa, ug Philip Salvador.
Gi-awhag usab ni Bise Presidente Duterte nga botaran sila Atty Jimmy Bondoc, Atty Raul Lambino, Atty Jayvee Hinlo, kuyog ang mga guest candidates sa PDP nga sila Sagip party-list Rep. Rodante Marcoleta ug detained pastor Apollo Quiboloy.
Sa pagbarog sa chairman sa partido, gisumbalikan sa kanhi Presidente ang sobra nga paghinaway ni Marcos sa ilang partido lakip na ang mga halang nga komento niini sa milabay nga war on drugs ug pagtawag sa iyang anak nga si VP Sara nga dakung kawatan.
Walay duha duha nga gibulgar ni Duterte nga tigamitan sa heroine si Marcos.
Una niini, nagtrending sa social media ang pagtandi sa political rally speech nila Marcos ug Duterte human mas daghan ang nalingaw sa mga pamahayag ni Duterte itande sa scripted ug daghang sayop nga mga mensahe ni Marcos.
