PC:Owner
CAGAYAN DE ORO CITY-Gikompirmar sa partido PDP Laban nga adunay nahitabo nga faction o pagkabahin-bahin sa pipila sa ilang mga miembro.
Kini human unang namahayag si PDP-Laban national council chairman Atty Rogelio Garcia nga nakasupak sa ilang constitution and by-laws ang pagpahurar sa 7-mil tawo nga gilakipan sa daghang politiko dinhi sa syudad niadtong Enero 27 ning tuiga.
Miingon si PDP Laban Cagayan de Oro council head Gusa Brgy Kap Marlo Tabac,gikasuko sa grupo ni Garcia nga si House Speaker Pantaleon Alvarez ang napili isip kongresista sa Davao del Norte.
Gani,namulong si Tabac nga gi-expel o gipalagpot na sa PDP-Laban national si Garcia tungod sa dili maayong kinaiya nga gipakita niini.
Samtang gihimakak ni PDP-Laban national council chairman Atty Rogelio Garcia nga nagmugna sila’g political faction tungod sa giingong bangi nila ni House Speaker Pantaleon Alvarez sa Davao Region.
Miingon si Garcia nga kon nakasabot si Tabac sa labing tinood nga nahitabo sa partido,dili kini mohimo’g mga dautang pulong batok kanila.
Namugos si Garcia nga ang katukuran sa PDP-Laban national council ang giaktibo lamang aron makatabang sa pagpalig-on pa sa partido diin si Pres Rodrigo Duterte ang national executive chairman;presidente si Senate Pres Koko Pimentel ug secretary general usab si Alvarez.
