CAGAYAN DE ORO CITY- Nagdumili una si PDP-Laban Secretary General ug House
Speaker Pantaleon Alvarez pagkompirmar kon kinsa ang suportahan nila sa kandidato pagka-gobernador sa Misamis Oriental sa 2019 midterm elections.
Kini human gikahugon-hugon nga molansad pagka-gobernador si Misamis Oriental 1st District Rep Pedro Unabia ug Misamis Oriental 2nd District Rep Juliette Uy aron
atbangan si incumbent Gov Bambi Emano.
Miingon si Alvarez nga katuyuan una niini ang pagkuha sa suporta sa mga mayores sa pederalismong sistema sa gobierno nga gihingusgan ni Pres Rodrigo Duterte.
Si Cong Uy ug Unabia ang pulos alyado sa PDP-Laban samtang si Emano may access usab direkta kang Pres Duterte.
