CAGAYAN DE ORO CITY-Nabalaka ang Provincial Disaster Risk and Reduction Management Department o PDRRMD nga subling mahitabo sa dakbayan ang panghitabo atol sa Bagyong Sendong, unom katuig na ang nakalabay.
Kini human kabahin nga nakasinati sa kusog nga pag-ulan nga miresulta sa pagbaha ang Misamis Oriental tungod ni Bagyong Urduja.
Si PDRRMD head Fernando Sotsot Dy Jr miingon nga pabilin silang nakaalerto sa kabalaka nga posibleng makasinati sa halapad nga pagbaha ang lalawigan sa
Misamis Oriental.
Ila usab i-monitor ang lihok sa bagyo ilabina nga gabalhin-balhin ang gikusgon niini.
Samtang, gitin-aw ni Dy nga responsibilidad na sa mga local chief executive sa matag munisipalidad ang pagdeklarar og class suspension ubos sa ilang area of
responsibility.
Gikinahanglan usab nga makigkoordinar ang local chief executive sa buhatan sa Department of Education kon DepEd.
Hisayran nga kagahapong adlawa, unom ka mga munisipalidad ang nagdeklara og walay klase human makasinati sa walay puas nga pagbundak sa ulan.
