CAGAYAN DE ORO CITY-Isang-at na ang kasong Usurpation of Authority and Extortion ug paglapas sa Sec 11 sa Dangerous Drugs Act of 2002 batok sa usa ka suspek nga nagpaka-aron ingnong pulis didto sa Gingoog City,Misamis Oriental.
Subay sa gilusad nga entrapment operation sa Gingoog City PNP, giila ni Sr/Insp Ismael Virgil Gundaya ang dinakpan nga si Glenn Villareal Calang, 33 anyos, ulitawo ug molopyo sa Zone-6 Brgy Kauswagan ning syudad.
Nakasul-ob pa sa PNP uniform si Calang sa dihang nangilkil kini sa maong syudad.
Gipamugos matud pa sa suspek nga gi-deploy sa PNP-10 sa Gingoog ug halos tulo na ka bulan niyang gihimong gatasan ang mga residente sa maong syudad.
Hisayran nga nagbibit pa sa ilegal nga druga ang suspek sa dihang na-abtan kini sa mga tinugyanan sa Gingoog-PNP.
