Nanawagan si Joey Pelaez, National Convenor for Entrepreneurial Advocates and Education Sector, MASADA, sa mga magbabalaod sa gobyerno nga mas tutokan ang mga tinood nga problema sa nasud kaysa unahon ang impeachment ug pamolitika.
Gipamugos ni Pelaez nga kung mahimo, dili unahon ang impeachment karong panahona kay adunay mas bug-at ug tinood nga mga problema ang nasud nga nagkinahanglan og madali nga aksyon.
Gipunting niya ang mga isyu sama sa inflation, trade deficit, budget deficit, kakulang sa trabaho ug uban pa.
Butyag sa ekonomista nga samtang naglisod ang nasud, mas angayan nga hatagan og prayoridad ang pagsulbad sa mga problema nga nagpalisod sa kinabuhi sa mga Pilipino kaysa pagpadayon sa pamolitika ug personal nga interes sa mga politiko.
Matod pa ni Pelaez, klaro nga ang pagduso sa impeachment case batok sa bise presidente nagpakita lamang sa kahadlok sa iyang uncompromising stand batok sa bisan unsang porma sa korapsyon ug kalapasan sa balaod sa nasud.
