Gipasidaan karon sa mga awtoridad sa panglawas ang dinalian nga hulga sa transboundary haze o hilo nga aso gikan sa Indonesia nga nagsugod na sa pagbutang sa peligro sa panglawas sa mga lungsuranon sa Amihanang Mindanao.
Mipagawas og pormal nga alerto si Environmental and Occupational Health Office Medical Officer III Dr. Andrea Nicole Sugapong nga ang maong aso gipalid sa hanging habagat gikan sa nag-unab nga mga kalasangan sa Kalimantan, Indonesia padulong sa rehiyon.
Gitino sa opisyal nga paspas nga makahilo ug makaguba sa sistema sa pagginhawa ang maong aso diin pwedeng maghatag og panghapdos sa mata, grabeng ubo, ug kahuot sa dughan sa mga tawo.
Dungan niini, gipanawagan sa kagamhanan ang dinalian nga panalipod sa mga vulnerable sectors sama sa mga bata, tigulang, mabdos, ug kadtong adunay daan nga sakit sa kasingkasing ug baga aron malikayan ang direktang komplikasyon sa panglawas.
